Wednesday, August 31, 2011

АМАРБАЯСГАЛАН ХИЙД АЯЛАЛ

АМАРБАЯСГАЛАН ХИЙД АЯЛАЛ
Сэлэнгэ аймгийн Баруунбvрэн сумын нутагт vзэсгэлэнт Бvрэнхан уулын євєр, Ийвэн голын хєвєєнд байдаг. Бурхан номын амирлангуйн орон болсон тус хийдийг Амарбаясгалант гэж нэрлэдэг билээ. Уул ус, ургамал, жимс, цэцэг дэлгэрсэн энэхvv vзэсгэлэнт газар байгалийн нvдийг олж Амарбаясгалант хийдийг барьсан байдаг. Тус хийд нь дєрвєн талаараа битvv модоор бvрхэгдсэн єндєр уулсаар хvрээлэгдэн оршино.

ХЭЗЭЭ: 2011.09.9-ны БЯМБА гараг 8:30 НЯМ-гарагын орой ирнэ

ТАКС:25.000₮ ХААН банк 5007274479 хүлээн авагч Б.Норовсүрэн /тээврийн зардал, хорхогны үнэ багтсан болно./

Лавлах утас: 96500250




АНХААРАХ ЗҮЙЛ
· АЯЛАЛЫН ЗАМЫН ХҮНС: Гэр гэрээсээ өөрсдийн идэх дуртай 2-р хоол бэлдэн, халуун цай, цэвэр ус, ууж, идэх дуртай бусад бэлэн бүтээгдэхүүн, хүнсний зүйлээ авч явна.
· МАНЗУШИР ХИЙД-ийн бэлд хонох тул майхан болон бусад аяллын хэрэгслэлүүдээ сайтар бэлтгэнэ.
· ХОГ ХАЯХ, ГАЛ АЛДАХГҮЙ БАЙХАД АЯЛАЛД ОРОЛЦОГЧ БҮР АНХААРНА
· Хүний тоо хязгаартай 22-26-н хүний бүрэлдэхүүнтэй явна.

ЗОХИОН БАЙГУУЛАГЧ:
Монголын Эко Зохистой Хөгжлийн Холбооны GREENZONE” клуб

ХОЛБОО БАРИХ:
http://biznetwork.mn/ сайтын “GREENZONE” “http://biznetwork.mn/networks/1357 бүлэг
https://www.facebook.com/groups/241976932499487/ “GREENZONE” грүпп


2011-08-20 21:13-д бичсэн тодруулга.
ДУЛААН ХУВЦАС АЯНЫ ХҮНС, ХУВИЙН БЭЛТГЭЛЭЭ САЙН БЭЛТГЭЭРЭЙ. ЯЛАНГУЯА ОЙ МОДОН ДУНД ШӨНӨДӨӨ СЭРҮҮХЭН БАЙГАА. ДУЛААН ХӨНЖИЛ, ГУДАС, МАЙХАН АВЧ ЯВААРАЙ. 


Wednesday, August 17, 2011

Бөөрөлзгөнө болон түүнийг тарих зөвлөмж

Rosaceae Jus.-Сарнайн овог
Rubus L.-Бөөрөлзгөнө
Бөөрөлзгөнө нь олон наст 0.5-1.5 метр хүртэл ургадаг сөөг юм. Манай орны Архангай, Хөвсгөл, Сэлэнгэ, Хэнтий, Төв, Булган аймгуудын шинэсэн ба навчит ойн зах, асга хад ихтэй газруудаар Rubus sachalinensis Levl.-Сахалины бөөрөлзгөнө(бөлзөргөнө), R.arcticus L.-Туйлын Б, R.saxatilis L.-Асганы Б., гэсэн зүйлүүд байгаль дээр ургадаг. Бөөрөлзгөнө нь 6, 7 дугаар сард цэцэглэж, жимс нь 8 сард боловсорно. Туулай буга, чандага, шувуу, жирх иддэг.
Бөөрөлзгөний жимсэнд саахар, пектины бодис, аргаах бодис, нимбэг, алим, шоргоолжны хүчил, “С” витамин 0.15 мг, хувь байдаг байна. Жимсийг нь тэр хэвээр хүнсэнд хэрэглэхээс гадна боловсруулж ундаа болон эмнэлэгийн түүхий эд болгоно. Жимсийг түүж угааж цэвэрлээд чанамал, шүүс, бялууны гол, мөхөөлдөс желей бэлтгэнэ. Ардын эмнэлэгт бөөрөлзгөний мөчир, жимсгэнийг сайхан амт үнэртэй цай бэлтгэх, нүдний хүйтэн өвчинг эмнэх, толгойн хагийг арилгах, үс ургуулагч болгон ашиглана. Жимсгэнэ нь ходоодны бам өвчин, бамыг анагаах, зүрх, ходоод гэдэс, чих, толгой өвдөх, хавдар өвчний үед эмчилгээнд хэрэглэнэ. Иш, навч цэцгээр нь усанд ханд бэлтгэж багтраа, шамбрам, мөөгөнцөртөх өвчнийг анагаахад ашигладаг ашигт сөөг юм.


Бидний хамтдаа тарьж ургуулж буй бөөрөлзгөнө нь үрийн солилцоогоор ирсэн таримал Итали сортын үр юм. Тус үр нь тасалгааны болон хүлэмжийн нөхцөлд сайн ургаж байна.



Увидаст цэцэгсийн ертөнц клубийн гишүүн Ари, Намуран, Энхтүвшин, Ганаа, Тэнүүн, Нэргүй, Надала, Буяндэлгэр зэрэг идэвхитэй гишүүд үрээр тарьж ургуулах туршилт хийн амжилттай ургуулж байна.
Бөөрөлзгөнө тарих газрыг нөмөр нөөлөг, наранд ээвэр газар сонгох нь зүйтэй. Үндэс нь газрын хөрсний өнгөн хэсэгт тарж ургадаг тул бөөрөлзгөнө тарих хөрсийг 30-35 см-д сайн боловсруулж бэлтгэнэ. Бөөрөлзгөний газрын дээрх хэсэг нь 1-2 настай, үндэс нь олон настай байдаг бөгөөд нэг газарт 10-15 жил ургаж үр жимсээ өгдөг. Түүний 2 настай мөчир жимсэлж тэр жилээ хатна. Хавар эрт ургадаг тул намар тарих нь зүйтэй болохыг туршлагатай жимсчид зөвлөдөг. Бөөрөлзгөнийг суулгахдаа үндэсний угийг газарт өнгөц булж, 1.5х1.5 метрийн зайтай дөрвөлжлөн тарих нь цаашдын арчилгаа усалгаа болон өсөлт хөгжилтөнд эерэг нөлөөтэй.


Нөмөр, дулаан, чийгэнд дуртай бөгөөд өвлийн хүйтэнд тэсвэргүй тул 10 дугаар сарын эхний 10 хоногт мөчрүүдийг газарт хэвтүүлэн 10-15 см шороогоор хучиж өвөлжүүлнэ. Мөн өвс, үртэсээр хучиж дулаалж болно. Үндэсний орчмоос олон тооны шинээр найлзуур бий болдог тул 2 настай мөчрүүдийг огтолж зайлуулна.


Хоёр наст мөчрүүдээс гадна үндэсний төв хэсгийн 9-10 ш нэг наст мөчрийг үлдээн сийрэгжүүлэх таналт хийн нэг наст мөчрүүдийг үлдээн өвөлжүүлнэ. Хавар эрт бөөрөлзгөний бутыг хучсан шороог суллаж, мөчрийг эгнээний дагуу татсан төмөр утсан хэцэнд бэхэлж уяна. Усалгаа арчилгааг тухайн үеийн уур амьсгалын онцлого байдалд тохируулан хийнэ. Мөчирт таналт хийсний дараа 1м2 талбайд 30г-аар калийн бордоогоор бордохоос гадна, гурван жилд нэг удаа 1м2 талбайд 60 г-аар тооцож суперфосфатаар бордоно. Клубын цэцэг арчилдаг туршлагатай гишүүд маань өөр өөрийн туршлагыг хуримтлуулан Монголд тасалгаанд болон ил талбайд нутагшсан бөөрөлзөгөний сортыг бий болгоно гэдэгт итгэлтэй байна. 


Buudai

Sunday, August 14, 2011

ЭЭЖ ХАД, МАНЗУШИР ХИЙД аялал

ЭЭЖ ХАД, МАНЗУШИРИЙН ХИЙД АЯЛАЛ
1862 оны Хар барс жил Галдан бошгот Түй, Шаргалжуутын голыг уруудан буцаж явахдаа их цэрэгтэйгээ буудаллан хоноглох шөнө ээжийгээ зүүдэлжээ. Галдан бошгот энэ газар 3000 түмэн цэргээр хүрээлүүлэн Хараа ихт хар туг залан Төр тогтохын бэлэг буйзаа гэж бэлэгдээд 8 шилдэг харваачаар сонгон харвуулахад харвасан сум нь цөм нэг тусгалд тусч байсан гэнэ. Тэгээд тэр газрыг хүндэтгэн эмэгтэй хүний төрх хэлбэрийн хөшөө босгосон домогтой ажээ.
Үүнээс хойш нутгийн ардууд төдийгүй хол газраас энэ хөшөөг зорин очиж "Ээж" хэмээн хүндэтгэн залбирч, ажил үйлсээ даатган гуйж, мөргөж ирсэн “ЭЭЖ ХАД”-нд очиж мөргөх аялал зохион байгуулж байна.

МАРШРУТ:
УЛААНБААТАР-ЭЭЖ ХАД-МАНЗУШИРИЙН ХИЙД-УЛААНБААТАР

ХЭЗЭЭ: ХЭЗЭЭ: 2011.08.27-ны БЯМБА гараг 8:30, НЯМ-гараг 13:00

ТАкс:18.000₮ ХААН банк 5007274479 хүлээн авагч Б.Норовсүрэн /тээврийн зардал, хорхогны үнэ багтсан болно./

АНХААРАХ ЗҮЙЛ
·         ӨРГӨЛӨГ: Гэрээсээ бэлдсэн цайныхаа дээжийг өргөн, ээждээ зориулан бэлдсэн жижиг тавгийн идээгээ засаж, арц хүж уугиулах  тохиромжтой. Монголчууд ээжтэйгээ архи барьж золгодоггүй тул АРХИ ӨРГӨХГҮЙ. Гашилж муудаад ойр орчмоо бохирдуулж ялаа батгана цуглуулах тул сүү өргөхгүй, цагаан идээгээр тавгаа засахгүй байх нь зохимжтой.
·         АЯЛАЛЫН ЗАМЫН ХҮНС: Гэр гэрээсээ өөрсдийн идэх дуртай 2-р хоол бэлдэн, халуун цай, цэвэр ус, ууж, идэх дуртай бусад бэлэн бүтээгдэхүүн, хүнсний зүйлээ авч явна.
·         МАНЗУШИР ХИЙД-ийн бэлд хонох тул  майхан болон бусад аяллын хэрэгслэлүүдээ сайтар бэлтгэнэ.
·         ХОГ ХАЯХ, ГАЛ АЛДАХГҮЙ БАЙХАД АЯЛАЛД ОРОЛЦОГЧ БҮР АНХААРНА
·         Хүний тоо хязгаартай 22-26-н хүний бүрэлдэхүүнтэй явна.

ЗОХИОН БАЙГУУЛАГЧ:
Монголын Эко Зохистой Хөгжлийн Холбооны  “GREENZONE клуб

Холбоо барих:
http://biznetwork.mn/ сайтын  GREENZONE” бүлэг
Лавлах утас: 96500250 

Wednesday, August 10, 2011

Хариу нэхдэггүй хайр...


Нэг настай байхад чинь тэр чамайг хооллож, усанд оруулна. Хариуд нь чи шөнөжингөө уйлж, цурамхийлгүй хонуулна

Хоёртой байхад чинь явж сурахад чинь тусална
Хариуд нь чи хаашаа хамаагүй гүйж алга болчих гээд сандаргана

Гуравтайд чинь амттай хоолыг янз янзаар нь хийж өгнө
Хариуд нь чи ширээгээр нэг асгаж хэрэг тарина

Дөрөв хүрэхэд чинь өнгийн харандаа авч өгнө
Хариуд нь ханын цаасаар нэг эрээчиж, бэлэг барина

Тавтай болохоор чинь гоё хувцас өмсгөөд баярт дагуулж явна
Хариуд нь хувцсаа шавар туучиж мялаана

Зургаа хүрэхэд тэр чамайг сургуульд дагуулж явна
Хариуд нь чи явахгүй гэж урваганана

Долоотой болоход бөмбөг авч өгнө
Хариуд нь чи хөршийн цонхыг хагалж чихийг нь халууцуулна

Наймтайд чинь чамайг зайрмагаар дайлна
Хариуд нь хамаг хувцсаараа нэг нялж орхино

Есөн настай байхад чинь төгөлдөр хуурын хичээлд явуулна
Хариуд нь чи хичээлээ давтахгүй залхуурна

Арав хүрэхээр чинь тэр чамайг дугуйлан, найзуудын чинь төрсөн өдөр, тоглоомын газар руу өдөржин зөөж дахина
Хариуд нь эргэж ч харалгүй машинаас буугаад гүйгээд явчихна

Арван нэгтэй болоход чинь чамайг найзуудтай чинь кинонд дагуулж явна
Хариуд нь чи түүнийг холхон суухыг хүснэ

Арван хоёртойд чинь тэр чамд зурагт бага үзэхийг сануулна
Харин чи гараад явангуут нь удирдлагаа шүүрч авна

Арван гуравтайд чинь тэр үсний засалт санал болгоно
Хариуд чи хуучирч, хоцрогдсоноор нь дуудна

Арван дөрөв хүрэхэд чинь тэр чамайг хүүхдийн зусланд амраана
Хариуд нь чи утсаар ганц ч ярьчихгүй санааг нь зовооно

Арван тавтай болоход чинь тэр ажлаасаа ирээд чамайг тэврэхийг хүснэ
Харин чи өрөөнийхөө хаалгыг цоожлоод таг суучихна

Арван зургаа хүрэхээр чинь жолооны дамжаанд явуулна
Хариуд нь чи боломж л гарвал машиныг нь унаж яваад олдохгүй болно

Арван долоотойд чинь тэр хэн нэгэн чухал хүн өөртэй нь ярихыг хүлээнэ
Харин чи өдөржин, шөнөжин утас улайтал яриад салахгүй

Арван найм хүрэхэд тэр төгсөлтийн чинь баярт баярын нулимс унагана
Хариуд нь чи үүр цайтал дарвиж яваад нойргүй хонуулна

Арван естэйд чинь тэр сургуулийн дотуур байранд чамайг хүргэж ирнэ
Хариуд нь чи үнсүүлэх ч үгүй гүйгээд орчихно

Хорьтойд чинь тэр чамаас хэнтэй уулзахаар явж байгааг асууна
Хариуд нь чи “Танд хамаагүй” гэж гөжүүдлэнэ

Хорин нэгтэй болоход чинь ирээдүйн ажлын чинь тухай чамтай ярилцана
Хариуд нь чи “Таны үе өнгөрсөн” гэж хэлж гоочилно

Хорин хоёртойд чинь их сургуулийн төсгөлтийн баярт чинь баяр хүргэнэ
Хариуд нь чи гадаад явж амармаар байна гэж цамаархана

Хорин гуравтай болоход чинь тэр байранд чинь тавилга авч өгнө
Харин чи найзууддаа шал тэнэг тавилга авч өгсөн гэж ярвагнан ярина

Хорин дөрөвтэй болоход хайртай хүнээс чинь цаашдын амьдралын талаар асууна
Хариуд нь чи муухай хараад өнгөрнө

Хорин тав хүрэхэд тэр хуримын зардлыг чинь гаргаж, хөл нь газар хүрэхгүй хөөрнө
Харин чи хаа хол байранд орчихоод таг алга болно

Гуч хүрэхэд тэр хүүхэд өсгөх талаар зөвлөгөө өгнө
Хариуд нь “Хоцрогдсон арга” гэж томорно

Дөч хүрэхэд чинь тэр хаа нэг тийшээ хамт явахыг гуйна
Харин чи завгүй ажилтай гэж цааргална

Тавьтай болоход чинь тэр өвдөөд хэвтэнэ, чиний асаргааг хүснэ
Харин чи ажил амьдралдаа дарагдаад тээршаана

Нэг л өдөр тэр бурхны оронд чимээгүйхэн яваад өгнө. Чамд өмнө нь хэзээ ч тохиолдож байгаагүй зовлон, бэрхшээл мөндөр мэт шаагин ирнэ. 
Хариу нэхдэггүй хайрын бурхнаа амьд байгаа дээр нь хайрла. Эргэж ирэхгүйгээр яваад өгсөн бол элч гэрлийн ундарга шиг хайрыг нь эргэн эргэн дурс. Ээжийгээ хайрла.

Tuesday, August 9, 2011

"Ээжээ, та дэлгүүрээс надад шинэ аав аваад өгөөч”

Цэцэрлэгээс хүүхдүүд тарж байна. Зогсоо зайгүй элдвийг асууж шулганах бяцхан үрс цаанаа л нэг өхөөрдөм. Хүүхдүүдээ авч буй хүмүүсийн ихэнх нь ээжүүд аж. Аавууд тун цөөхөн харагдав. Ийнхүү “Гэрт орж эм, гадаа гарч эр” гэдэг шиг эмэгтэйчүүдийн оролцоо хэр вэ гэдгийг захын нэгэн цэцэрлэгээс харж болохоор байна. Үнэндээ цаг нартай уралдан бүх зүйлд санаа тавих эхчүүд олширлоо.

Монголд өрх толгойлсон эхчүүдийг тоолвол социализмын үеийнхээс хэд дахин давахаар болов. Хаа сайгүй ганц бие эмэгтэйчүүд. Энэ байдал өнөө цагийн өнгийг тодорхойлохоор болоод байна. Харин айл гэрийн ноён нуруу болох аавууд маань хаагуур явна вэ гэсэн чинь гэр орноо өөд татахаар нэг хэсэг нь харийн орныг зорьсон аж. Харин нөгөө хэсэг нь “аав”-ынд, болохгүй нэг нь булан тохойд бадарчилж архи сөгнөөстэй суух юм. Энэ дүр зураг яах аргагүй эмэгтэйчүүдийн нуруунд амьдрал үүрүүлснийг илтгэнэ.

Уг нь “Биеэ засаад гэрээ зас, гэрээ засаад төрөө зас” гэдэг зүйр үг бий. Гэтэл энэ үг амьдрал дээр хэрэгжихгүй нь харамсалтай. Болно, бүтнэ гээд суусан хоёр нэг гэрт ороод төд удалгүй салж сарнин бяцхан үрсээ өнчрүүлэн дутуу сэтгэлээр хорвоог туулах тавилан руу түлхэж байгаа нь харамсалтай. “Бие биенээ ойлгож, хүлээцтэй хандах хандлага орчин цагийн залууст үгүй болжээ. Бидний үед аливаад ул суурьтай, хариуцлагатай ханддаг байлаа” хэмээн ярих хөгшдийн үг ч ортой юм.

Үнэндээ энэ цагийн хэврэг амьдрал хүүхдийн сэтгэлийг сэвтээж, харцыг нь гунигаар дүүргэж байна. Мөнгө хайж амьдралаа сайжруулах гэж харийг зорьсон олон залуус салж сарнилаа. Сайхан болгоныг зөгнөн харийн орныг зорьсон аав, ээжүүд амьдралаа бусниулж үр хүүхдээ өнчрүүлсэн жишээ Монголд даамжрах нь. Харин шараа тайлах гэж байшингийн буланд өглөө болгон цугладаг аавууд гэр бүлээ юун авч явах, харин ч эсрэгээрээ өөрсдийгөө чирүүлж явна. Үлгэр дууриал болох аавдаа хүүхдүүд нь сургааль айлдах болсон нь харамсалтай. Энэ нийгэмд архичин аавтай хүүхдүүд сэтгэлийн шархтай амьдралыг туулж явна. Архи уугаад мөрөөрөө явахгүй, гэр бүлээ зовоож агсан тавих энэ эрчүүдийн зүрх сэтгэл тэгтлээ хөлдчихлөө гэж үү.

Ямар сайндаа дөрвөн настай балчир хүү ээждээ “Та надад дэлгүүрээс шинэ аав аваад өгөөч” гэж гуйх билээ дээ. Байнга ээжийг нь зовоож, зоддог ааваасаа хүү ямар их залхсныг түүний гуйлтаас нь харж болохоор байна. Дөнгөж хорвоотой танилцаж байгаа бяцхан хүүгийнхээ сэтгэлийг сэмлэж буй тэр эцэг юу бодож явдаг юм бол доо. Ийнхүү гэр бүлийн таарамжгүй байдлын золиос нь хүүхдүүд болж байна. Энэ байдлаас болж олон хүүхэд гэр орноосоо дайжин траншейг зорьж, буруу замаар будаа тээх боллоо. Энэ хүүхдүүдийг буруутгаж болохгүй. Тэднийг төрүүлсэн эцэг, эхээс нь өөг хайх хэрэгтэй.

Үнэндээ манайд гэр бүлийн тогтвортой байдал алдагдчихаад байна. Улс орныг урагшлуулах нэг үндэс нь гэр бүлийн тогтвортой байдал гэлтэй. Гэтэл манайд салалт жилээс жилд нэмэгдсээр байна. Сүүлийн үед гэрлэлтээ цуцлуулж буй хүмүүсийн нас залуужлаа хэмээн шүүхийнхэн хэлж байгаа. Тэр ч байтугай гэрлээд хоёр cap болоод салсан гэр бүл ч байгаа аж. Энэ мэтчилэн хэврэг амьдрал газар авч, нийгэмд сөрөг нөлөө үзүүлэх боллоо. Эцэг, эхчүүд нь таарахгүйгээ салаа л биз гэсэн Монголчуудын тоомжиргүй сэтгэлгээ ирээдүй хойч үеийг маань эмгэнэлд хүргэж байна. Бие, биенээ сайн танилгүй яаран ханилсан болчимгүй байдлаас болж бяцхан үрс маань хүндхэн давааг туулах цагаас хэзээ ангижирах бол...

Monday, August 8, 2011

Далайн төвшнөөс дээш 2256 м өндөрөөс хог түүж цэвэрлэлээ


www.Socialnet.mn  үндэсний олон нийтийн харилцааны сайтын  GREENZONE бүлгээс санаачлан 2011 оны 8 дугаар сарын 6 ний амралтын өдрийг хүчил төрөгчөөр баялаг шилмүүст ой дундуур уулын оргил өөд алхах спорт эрүүл мэндийн ач холбогдолтой явган аялал зохион байгуулав.
Аялалд оролцогсод Богд Хан Уулын ноён оргил Цэцээ гүнд бусад аялагчдын орхиж үлдээсэн хуванцар сав, идээ будаагаа өргөж үлдээсэн элдэв янзын шаазан аяга таваг, идэж уусан хүнсний зүйлүүдийн гялгар уутаар бохилогдсон байсныг цэвэрллээ. 






Sunday, August 7, 2011

“НОГООН-999” АЯН


“НОГООН-999” АЯН

Байгаль эх дэлхийнхээ хөрсөнд мод тарьж баярлуулах, Нийслэл Улаанбаатар хотынхоо өнгө төрхийг сайжруулж, ногоон байгууламжийг нэмэгдүүлэх, тэр дундаа ХҮҮХДИЙН ЭМНЭЛЭГ, ХҮҮХДИЙН ЦЭЦЭРЛЭГИЙН гадаа талбайг моджуулан, тохижуулж, иргэдийг мод тарьж, ургуулах ажилд идэвхитэй оролцуулах, өсвөр үе, залуусыг нийгмийн сайн үйлсэд нэгтгэх зорилготой “НОГООН-999” аяныг зохион байгуулж байна.
Уг аяны хүрээнд Баянгол, СонгиноХайрхан дүүргийн бүх хүүхдийг хүлээн авч эмчилдэг, хүүхдийн хэмээх тодотголтой Сонгино Хайрхан Дүүргийн  Нэгдсэн Эмнэлэгийн гадаа талбайд 500 ш Хайлаас, тус дүүргийн хүүхдийн цэцэрлэгүүдийн хүсэлтийг харгалзан мөн тооны Хайлаасыг нийтдээ 999 ш Хайлаас тарьж ургуулахаар төлөвлөлөө.
“НОГООН-999” аян нь хамгийн сүүлийн үеийн технологиор бортогонд үрээр тарьж ургуулсан 100% ургах чадвартай Хайлаас модыг цаг хугацаа харгалзалгүйгээр шилжүүлэн суулгаж байгаа төдийгүй залуусын сайн дурын идэвхитэй оролцоотой, тэдний хамтын хүчээр тарьж суулгаж буйгаараа онцлог юм.
Бидний санаачлан хэрэгжүүлж буй “НОГООН-999” аянд та бүхнийг дэмжин оролцож өөрийнхөө зүгээс бодит хувь нэмэр оруулна гэдэгт итгэж байна.

Хугацаа: 2011.08.20-2011.10.20

ХҮН БҮР МОД ТАРЪЯ
ХҮҮХЭД БҮР МОДОО УСАЛЪЯ
Ерөнхий зохион байгуулагч:
Монголын Эко Зохистой Хөгжлийн Холбоо
http://socialnet.mn/ олон нийтийн сайт
Санхүүжүүлэгч:
Монголын Мянганы Сорилтын Сан,
Хамтран зохион байгуулагч:
"BFB GROUP" ХХК,
Мэдээллийн ивээн тэтгэгч:




Холбоо барих: Монгол Улс, Улаанбаатар хот, Баянзүрх дүүрэг
7р хороо "БАТХААН" төв №201
Утас: 96500250